Tələbə Həmkarlar İttifaqı Komitəsi:
-ali təhsil müəssisəsinin profilinə uyğun yüksək ixtisaslı,dərin savadlı,dünyagörüşlü,vətənpərvər təcrübəli və bacarıqlı kadrların hazırlanmasına səy göstərir;
-tədris intizamına,biliklərin keyfiyyətinin artırılması üçün tələbələri (bakalavr,magistr və aspirantları)səfərbərliyə alır;
-idman və bədən tərbiyəsi kafedraları ilə birlikdə tələbələr arasında kütləvi idman tədbirləri həyata keçirir,onların fiziki cəhətdən sağlam və gümrah olmaları qayğısına qalır;
-ittifaq üzvlərinin təhsili,əməyi,məişəti,istirahəti, və müdafiəsi ilə əlaqədar keçirilən tədbirlərdə yaxından iştirak edir,səmərəli təkliflər verir;
Tələbə həmkarlar ittifaqı komitəsi təhsil müəssisələrinin rəhbərliyi ilə birlikdə aşağıdakı məsələləri həll edir:
-təhsildə və ictimai işlərdə fəal olan tələbələri mükafatlandırır;
-tələbələrlə bağlı təhsil müəssisəsinin daxili intizam qaydalarını müzakirı və təsdiq edir;
-ehtiyacı olan tələbələrə birdəfəlik yardım göstərir;
-intizam qaydalarını pozan tələbələr barəsində müvafiq tədbirlər görür;
-THİK aşağıdakı məsələlərin həllində iştirak edir:
-tələbələrin asudə vaxtlarının səmərəli təşkili üçün mədəni-kütləvi tədbirlərə nəzərdə tutulmuş maliyyə vəsaitlərinin və müvafiq smetaların tərtibində;
-tələbərin təhsil müəssisələrindən xaric edilməsi ilə əlaqədar məsələlərin müzakirəsində və baxılmasında;
-THİK tədris prosesinin, pedoqoji və digər təcrübələrin, eləcədə asudə vaxtın düzgün və səmərəli təşkili ilə əlaqədar rektorluğa təkliflər verir,ittifaq üzvlərinin səmərləşdirici təkliflərinin qəbul olunmasına səy göstərir;
-THİK təlim-tərbiyə işlərinin keyfiyyətinin yaxşılaşdırılması,maddi texniki bazanın gücləndirilməsi, tibbi müayinənin və mədəni tədbirlərin,sosial və iaşə məsələrin daha yaxşı təşkili ilə təhsil müəssisəsinin rəhbərlərinin hesabatlarını dinləyə bilir.
-THİK rektorluq və digər təşkilatlarla birlikdə tədris,elm,bədii,özfəaliyyət,idman və s.ictimai fəaliyyət sahəsi ilə əlaqədar müsabiqə,yarış,sual-cavab gecələri keçirir,qaliblərin mükafatlandırılmasına nail olur.
-THİK tələbələrin elmi dərnəklərə,tələbə elmi cəmiyyətlərinə üzv olması,elmi axtarışlarını davam etdirməsi üçün lazımi təşkilat işləri həyata keçirir.
-THİK öz nümayəndələrini təhsil müəssisəsinin Elmi Şurasına,təyinat komissiyasına,magistraturaya qəbul və semestr imtahan komissiyasına,appelasia komissiyasına,təhsil haqqından azad edilmə komissiyasına,tələbə həyatı ilə əlaqədar təşkil edilmiş digər komissiyalara təklif edir.
-THİK tələbə klublarının fəailiyyətinə rəhbərliyi həyata keçirir.
-THİK tələbə mübadiləsi və tələbə həyatı ilə əlaqədar təhsil müəssisəsinin beynəlxalq əlaqələrində yaxından iştirak edir, bu məsələlərlə bağlı təşkil olunmuş komissiyalara öz nümayəndəsini ayırır.
-THİK-in tərkibinə seçilmiş üzvlərinə,həmçinin fakültə sədrlərinə ,yuxarı həmkarlar ittifaqı orqanının razılığı olmadan intizam tənbehi tətbiq edə bilməz.
-Bu əsasnamə eyni zamanda fakültə bürolarına və onların üzvlərinə də şamil edilir.
Tələbə Həmkarlar İttifaqı Komitəsinin Şərqşünaslıq fakültəsi üzrə idarə heyətinin sədri Qasımlı Qasımdır.
