Bakı Dövlət Universiteti Şərqşünaslıq fakültəsi

Tədbiri Ərəb filologiyası kafedrasının müdiri dos. Vüqar Qaradağlı açaraq Rəşad Həsənov haqqında seminar iştirakçılarına məlumat verdi, Rəşad Həsənovun bu ilin yanvar ayında Oman Sultanlığının Sultan Qabus Universitetində “Hüseyn Cavid və Cübran Xəlil Cübran yaradıcılığında qadın obrazlarının müqayisəsi” mövzusunda doktorluq dissertasiyasını uğurla müdafiə etməsini vurğulayaraq bu hadisənin Bakı Dövlət Universiteti, Şərqşünaslıq fakültəsi, ümumilikdə ölkəmiz üçün qürurverici bir hadisə olduğunu qeyd etdi, Rəşad Həsənovla görüşün, seminarın, onun öz təcrübəsinin ərəb bölməsinin tələbələri ilə bölüşməsinin çox faydalı olacağını vurğuladı. Daha sonra söz Rəşad Həsənova verildi. O, mövzu ilə bağlı auditoriya qarşısında çıxış etdi, öz təcrübəsini tələbələrlə bölüşdü, tələbə və müəllimlərin ərəb və Azərbaycan dillərində verilən suallarına cavab verdi. Sonda xatirə şəkilləri çəkildi.