Bakı Dövlət Universiteti Şərqşünaslıq fakültəsi

19 noyabr 2025-ci il tarixində Şərqşünaslıq fakültəsində Ərəb filologiyası kafedrasının nəzdində fəaliyyət göstərən İslamşünaslıq ETL aparıcı elmi işçisi, filologiya üzrə fəlsəfə doktoru Yeganə Mirzəyevanın təqdimatında "Vətəndaş cəmiyyəti quruculuğunda İslam həmrəyliyinin rolu" mövzusunda elmi seminar keçirildi. Seminarda kafedranın əməkdaşları və tələbələr iştirak etdilər.

Yeganə Mirzəyeva İslam həmrəyliyinin müstəqil Azərbaycan dövlətinin daxili və xarici siyasətinin önəmli xətti olduğunu bildirdi, 1990 - cı illərdə Heydər Əliyevin İslam və İslam həmrəyliyinə çağırışlar şəklində səsləndirdiyi çıxışlar İlham Əliyev dönəmində artıq strategiya kimi əməli fəaliyyətə keçməsi barədə ətraflı məlumat verdi, “Vətəndaş cəmiyyəti anlayışı və dövlət quruculuğundakı rolu”, “ İslam həmrəyliyi anlayışı və Qurani-Kərimdə əsasları”, “İslam həmrəyliyinin təməlini təşkil edən mənəvi dəyərlər”, “ Tarixdə vəqflər – mənəvi dəyərlərin sosial institutlara çevrilməsi” kimi məsələlərdən bəhs etdi.

Elmi seminar məruzə ətrafında aparılan müzakirələr və sualların cavablandırılması ilə yekunlaşdı.