Varşava Universiteti ilə əməkdaşlıq əlaqələri
Varşava Universitetinin rektoru, professor Alojzı Novak ilə görüş zamanı isə iki universitet arasında əməkdaşlıq memorandumunun imzalanması haqqında fikir mübadiləsi aparılıb. Daha sonra Aydan Xəndan Varşava Universitetində fəaliyyət göstərən Azərbaycanşünaslıq mərkəzinin “Azərbaycan və Polşa əlaqələrinin tarixi” mövzusunda keçirdiyi tədbirdə iştirak edib. Tələbə və müəllim heyətinə BDU haqqında ətraflı məlumat verən Aydan Xəndan Azərbaycan ədəbiyyatının dahi şairi Nizami yaradıcılığı haqqında mühazirə oxuyub. Mühazirədə Nizaminin yaradıcılığının polyak dilinə tərcümələri haqqında məlumat verilib, şairin dünya poeziyasına və fəlsəfi fikrinə verdiyi töhfələrdən bəhs edilib.
Tədbirin sonunda tələbələrin bir qisminə Azərbaycanla bağlı kitablar hədiyyə olunub.