Tələbələrimiz “Zəfər Muzeyi”ndə

19 Noyabr 2025 20:39

Şərqşünaslıq fakültəsinin Tələbə Gənclər Təşkilatının (TGT) təşkilatçılığı ilə tələbələr “Zəfər Muzeyi”ni ziyarət etmişlər. Ekskursiya zamanı tələbələr muzeydə sərgilənən Vətən müharibəsi dövrünə aid sənədlər, fotoşəkillər, hərbi geyimlər və müxtəlif tarixi materiallarla tanış olmuşlar. Muzeyin bələdçiləri hər bölmə üzrə tələbələrə ətraflı məlumat təqdim etmiş və döyüş meydanlarından gətirilmiş eksponatların tarixi əhəmiyyətini izah etmişlər.

Ekspozisiyada nümayiş olunan Molla Pənah Vaqifin evinin maketi, Xarıbülbül rəmzinə dair materiallar və Qarabağın mədəni irsini əks etdirən digər nümunələr tələbələrin xüsusi marağına səbəb olmuşdur. Ziyarət maarifləndirici xarakter daşıyaraq tələbələrə həmin dövrün hadisələrini, qəhrəmanlıq nümunələrini, eləcə də Zəfərə aparan tarixi yolu daha dərindən anlama imkanı vermişdir.