Tələbələrimiz Xalça Muzeyində

14 Oktyabr 2024 10:13

Şərqşünaslıq fakültəsinin bir qrup tələbəsi Xalça Muzeyində ekskursiyada olub.

12 oktyabr 2024-cü il tarixində Bakı Dövlət Universitetinin "BDU Könüllüləri" təşkilatının Şərqşünaslıq fakültəsi üzrə üzvlərinin iştirakıyla Xalça muzeyinə ekskursiya təşkil olunub.

Fakültə könüllüləri Xalça muzeyində bələdçi vasitəsilə muzeyi gəzib, eksponatlarla tanış olublar. Tələbələrə xalçaçılıq sənətinin tarixi, məktəblər barədə müfəssəl məlumat verilib, muzeyin və xalçaların tarixi barədə faktlar diqqətə çatdırılıb.

Tələbələr sonda Xalça muzeyinin Qənirə Paşayevaya aid olan sərgi zalını ziyarət edib xatirə şəkilləri çəkdiriblər.