Tələbələrimiz “SOS Uşaq Kəndləri”ndə

5 Aprel 2025 21:37

Şərqşünaslıq fakültəsinin tələbələri “SOS Uşaq Kəndləri”ni ziyarət ediblər.

05 aprel 2025 -ci il tarixində Bakı Dövlət Universitetinin Şərqşünaslıq fakültəsinin Tələbə Gənclər Təşkilatının təşkilatçılığı ilə tələbələr “SOS Uşaq Kəndləri”ni ziyarət ediblər.

Tələbələr uşaqlarla səmimi söhbətlər edib, onlara özlərini təqdim ediblər. Ardınca onlar üçün xüsusi olaraq hazırlanan yeməkləri təqdim ediblər. Gün boyu birlikdə müxtəlif oyunlar keçirilib, musiqi sədaları altında rəqslər icra olunub. Uşaqların sevinci, gülüşü və enerjisi günü daha da mənalı və yaddaqalan edib. Sonda isə uşaqlar üçün gətirilən hədiyyələr paylanılıb. Ziyarət tələbələrə dərin duyğular, unudulmaz xatirələr bəxş edib.