Bakı Dövlət Universiteti Şərqşünaslıq fakültəsi

12 aprel 2025-ci ildə Şərqşünaslıq fakültəsinin könüllü tələbələri Nizami Gəncəvi adına Milli Azərbaycan Ədəbiyyatı Muzeyində ekskursiyada olublar.

Tələbələr Azərbaycan Ədəbiyyatı Muzeyində Azərbaycan ədəbiyyatının ən qədim dövrlərdən müasir dövrə qədər keçmiş olduğu yolla tanış olublar. Müxtəlif sənədlər, əlyazmalar, kitablar, o cümlədən qədim və orta əsrlər dövrünə aid maddi mədəniyyət nümunələri, rəsm və heykəltaraşlıq əsərlərini izləyiblər.

Ekspozisiya zallarında Nizami Gəncəvi, Xaqani Şirvani, Məhəmməd Füzuli, İmadəddin Nəsimi, Şah İsmayıl Xətai, Molla Vəli Vidadi, Molla Pənah Vaqif, Qasım bəy Zakir, Abbasqulu ağa Bakıxanov, Mirzə Fətəli Axundov, Mirzə Ələkbər Sabir, Cəlil Məmmədquluzadə, Əbdürrəhim bəy Haqverdiyev, Hüseyin Cavid və s. kimi tanınmış şair və yazıçılara, ədəbiyyatşünaslara həsr olunmuş stendlər, fotomateriallar, rəsm əsərləri, sənədlər, kitablar, həmçinin şəxsi əşyalar toplanmışdır. Bu zalların müşahidəsi tələbələrin klassik Azərbaycan ədəbiyyatı ilə bağlı biliklərini yeniləyib. Sonda xatirə şəkilləri çəkilmişdir.