Bakı Dövlət Universiteti Şərqşünaslıq fakültəsi

Bakı Dövlət Universitetinin Şərqşünaslıq fakültəsinin könüllülərinin "Heydər Əliyev Mərkəzi"nə ekskursiyası baş tutub. Tələbələr mərkəzin mədəni hissələri ilə yaxından tanış olublar. Bakıda yerləşən tikililərin maketlərinə tamaşa edib, Gürcüstan, Özbəkistan kimi ölkələrin mədəniyyətini əks etdirən eksponatları nəzərdən keçiriblər. Könüllülər qədim xalçaçılıq nümunələrini izləyib, musiqi alətlərini nümayiş etdirən xüsusi otaqlarda olublar. Mərkəzdə kukla sənətinin nümunələri, cizgi film personajları və müxtəlif rəsm əsərlərinə əhatə edən xüsusi bölmələr tələbələrin diqqətini cəlb edib.