Bakı Dövlət Universiteti Şərqşünaslıq fakültəsi

28 Oktyabr 2022-ci il tarixində Azərbaycan Dillər Universitetində Bakı Dövlət Universiteti Şərqşünaslıq fakültəsi və Azərbaycan Dillər Universitetinin birgə təşkilatçılığı ilə Türkiyə Cümhuriyyətinin 99 İlliyinə həsr olunmuş dəyirmi masa keçirilmişdir. Tədbir hər iki qardaş ölkənin himnlərinin ifası ilə açıq elan edilmişdir. Türkiyə Araşdırmaları Mərkəzinin müdiri Elçin İbrahimovun moderatorluğu ilə keçirilən tədbirdə ilk olaraq Azərbaycan Dillər Universitetinin rektoru, akademik Kamal Abdulla çıxış etmişdir. Rektor məruzəsində Azərbaycan-Türkiyə ictimai-siyasi, mədəni əlaqələrinin möhkəmliyinin əbədi olmasını dilə gətirmişdir. Sonra Türkiyə Cümhuriyyətinin Azərbaycandakı səfirliyinin birinci katibi Barış Sayqın Azərbaycan-Türkiyə əlaqələrinin tarixindən və inkişafından danışmışdır.  Professor Solmaz Tohidi "Türkiyə Cümhuriyyətinin 99 illiyi" adlı məruzəsində Azərbaycan-Türkiyə diplomatik əlaqələrinin tarixindən, Türkiyə Cümhuriyyətinin yaranmasından bəhs etmişdir. Daha sonra Bakı Dövlət Universiteti Şərqşünaslıq fakültəsinin dekanı Aydan Xəndan "Türk poeziyasında milli-mücadilə  və M.K.Atatürk" mövzusunda çıxış edib ölkələrarası ədəbi əlaqələr haqqında ətraflı məlumat vermişdir.

Tədbirin sonunda isə ADU-nun Beynəlxalq münasibətlər fakültəsinin Türkiyəşünaslıq ixtisası üzrə təhsil alan tələbələri "İstiqlal Marşı" nı səsləndirmişlər.