Bakı Dövlət Universiteti Şərqşünaslıq fakültəsi

Tədbirdə fakültənin rəhbərliyi, Ərəb filologiyası kafedrasının ibri dili şöbəsinin müəllimləri Təranə Hüseynbalayeva və Ayxan Qarayev, o cümlədən ibri şöbəsinin birinci və dördüncü kurs tələbələri iştirak ediblər. Seminar fakültə dekanı, dos. Aydan Xəndan tərəfindən açıq elan edilib, tələbələrə çıxışlarda uğurlar arzulanıb. Tələbələr Azərbaycançılıq, Qarabağ, Azərbaycan-İsrail münasibətləri olmaqla müxtəlif mövzular üzrə ibri və Azərbaycan dillərində çıxışlar ediblər. Dekan Aydan Xəndan və ixtisas müəllimləri ixtisaslı kadr kimi formalaşmaq və gələcək inkişaf yolları barədə məsləhətlər veriblər. Çıxışlar bitdikdən sonra tələbələrə İsrailin Azərbaycandakı səfirliyinin ikitərəfli diplomatik münasibətlərin yaranmasının otuz illiyi münasibəti ilə verdiyi hədiyyələr təqdim olunmuşdur.