Bakı Dövlət Universiteti Şərqşünaslıq fakültəsi

28 oktyabr 2022-ci il tarixində Şuşa ili çərçivəsində şərqşünaslıq fakültəsi könüllülərinin təşkilatçılığı ilə "Şuşa - Mədəniyyət paytaxtı" adlı bədii tədbir keçirilib.Tədbirdə fakültə müəllimləri və tələbələri ilə yanaşı, Filologiya və Beynəlxalq münasibətlər fakültərindən olan tələbələr də iştirak ediblər. İlk olaraq Azərbaycan Respublikasının Dövlət himni səsləndirilib. Vətən müharibəsi şəhidlərinin xatirəsi anıldıqdan sonra tədbir açıq elan edilib. Fakültənin dekan müavinləri Şahin Yusifli və Tərlan Məlikov Şuşanın Azərbaycan xalqı üçün kəsb etdiyi əhəmiyyətdən, mədəniyyət və incəsənət beşiyinin məziyyətlərindən danışdıqdan sonra söz tələbələrə verilib. Tələbələr Şuşa barədə şeirlər, milli musiqi alətlərinin müşayiəti ilə musiqi parçaları səsləndiriblər. Şuşa haqda sənədli filmə tamaşa edildikdən sonra tədbir yekunlaşdırılıb.