"Sosial fobia" adlı dəyirmi masa

9 Dekabr 2024 05:24

"BDU könüllüləri" təşkilatının Şərqşünaslıq fakültəsinin könüllülərinin təşkilatçılığı ilə "Sosial fobia" adlı dəyirmi masa keçirilib.

06 dekabr 2024-cü ildə Şərqşünaslıq fakültəsinin könüllülərinin təşkilatçılığı ilə “Sosial fobia” adlı dəyirmi masa keçirilib. İlk olaraq fakültə könüllülərinin sədri Teymur Əsədov mövzu ilə əlaqədar açılış çıxışı edib. Sonra tələbələr sosial fobiya və onun əlamətləri, bununla mübarizə yolları, fərdin şəxsi və ictimai həyatına təsiri və sosial bacarıqların artırılması üzrə yanaşmaların effektivliyi ilə bağlı müzakirələr apararaq, müxtəlif fikirlər səsləndiriblər. Dəyirmi masanın sonunda könüllülər sosial fobiyası olan obrazı canlandıraraq bu vəziyyətin fərdin gündəlik həyatına və ünsiyyət bacarıqlarına necə təsir etdiyini əyani şəkildə nümayiş etdirib.