Şərqşünaslıq fakültəsinin fəxri məzunu
Şərqşünaslıq fakültəsinin kollektivi fakültənin fəxri məzunları ilə görüşlər silsiləsi, o cümlədən BDU-nun 105 illik yubileyi ilə əlaqədar tədbirlər çərçivəsində fakültənin 1971-ci il məzunu, Azərbaycanın Avropa Şurasında keçmiş daimi nümayəndəsi, Azərbaycanın Birləşmiş Millətlər Təşkilatı yanında keçmiş Daimi Nümayəndəsi, fövqəladə və səlahiyyətli səfir Aqşin Mehdiyev ilə görüş keçirib. Əvvəlcə fəxri məzun barədə dekan müavini Şahin Yusifli qısa məlumat təqdim edib. Məlumatdan sonra qonaq Aqşin Mehdiyev geniş nitqlə çıxış edib. Sabiq diplomat şərqşünaslıq fakültəsindəki təhsil illərindən başlayaraq fəaliyyətinin bütün dövrləri barədə, qarşılaşdığı vəziyyət və təcrübələri haqda danışıb. Tarixi hadisələr və cərəyan edən proseslərlə paralel fəaliyyət istiqaməti, əldə etdiyi biliklərdən istifadə etdiyi sferalar barədə ətraflı məlumat verib. Ərəbşünas tələbələrə qiymətli tövsiyələr və məsləhətlər verilib. Tələbələr fəxri məzuna suallar ünvanlayıblar. Faydalı məlumatlar əldə olunub. Sonda fakültənin dekanı, dos. Aydan Xəndan qonağa öz təşəkkürlərini bildirməklə yanaşı, görüşün əhəmiyyəti barədə danışıb. Qonaq məzun fakültəyə kitablar hədiyyə edib, tələbələrə uğurlar arzu edilib.
