Bakı Dövlət Universiteti Şərqşünaslıq fakültəsi

Ərəb filologiyası kafedrasının müdiri professor Vüqar Qaradağlının "Qiraət fərqləri: Asimdən Həfs ilə Şü’bə rəvayətləri əsasında müqayisəli təhlil" adlı monoqrafiyası çapdan çıxmışdır. Mo­noq­ra­fi­ya Asim ibn Əbu Ən-Nə­cud­dan edi­lən Həfs və Şü’­bə rə­va­yət­lə­ri­nin oxu­­nuş­­la­rı ara­sın­da­kı fərq­lə­rin fi­lo­lo­ji təh­li­li­nə həsr olun­muş­dur. Təd­qi­qat­da qi­ra­ət fərq­lə­ri fo­­ne­tik və lek­sik-qram­ma­tik ba­xım­dan araş­dı­rı­lır. Əsər­də bə­zi sa­mit­lə­rin əvəz­lən­mə­si və zə­­if­lə­mə­si, uyuş­ma­sı və uy­ğun­laş­ma­sı, qo­vu­şub-qo­vuş­ma­ma­sı, səs­dü­şü­mü, sa­it­lə­rin ix­­ti­­sar­laş­ma­sı, inf­lek­si­ya­sı və mə­ruz qal­dıq­la­rı di­gər də­yi­şik­lik­lə­ri ət­raf­lı mü­za­ki­rə olu­­nur. Mo­noq­ra­fi­ya­da həm­çi­nin fei­lin qram­ma­tik ka­te­qo­ri­ya­lar üz­rə fərq­lə­ri, sin­tak­tik struk­­tur­lar­da­kı də­yi­şik­lik­lə­rə nə­zər sa­lı­nır, müx­tə­lif mo­del­li söz­lə­rin iş­lən­mə­si mə­­sə­­lə­­lə­­ri­nə də to­xu­nu­lur. Bu mo­noq­ra­fi­ya Qu­ran qi­ra­ət­lə­ri­nin fo­ne­tik və qram­ma­tik xü­­su­­siy­­yət­­lə­ri­ni öy­rən­mək­lə möv­zu­ya ye­ni nə­zə­ri ya­naş­ma­la­rın for­ma­laş­ma­sı­na mü­hüm töh­fə ve­­rir.
Əsər ərəb di­li ilə məş­ğul olan dil­çi­lər, ha­be­lə Qu­ran elm­lə­ri sa­hə­lə­rin­də araş­dır­ma­lar apa­­ran təd­qi­qat­çı­lar üçün nə­zər­də tu­tul­muş­dur.
[12:04, 10/17/2025] Tarlan Melikov: Ərəb filologiyası kafedrasının müdiri professor Vüqar Qaradağlının "Ərəb ədəbi dilində feilin təsnifi və təsrifi" adlı dərs vəsaiti nəşr edilmişdir. Kitabda ərəb dili feillərinin kök samitlərinin sayı və xüsusiyyətlərinə, həmçinin formalarına görə təsnifi ve­rilir. 380 cədvəldə üç və dörd kök samitli qaydalı və fonetik dəyişikliklərlə təs­rif­lə­nən qaydasız ərəb feilləri təqdim edilir. Təsrif cədvəllərində feillər sadə və düzəltmə, keçmiş və indiki-gə­lə­cək zaman, əmr, (yüngül və ağır) təkid formalarında, mövcud bablarda, məlum və məchul növlərdə, xəbər, ar­zu, şərt şəkillərdə öz əksini tapır. Cədvəllərə feillərin kök samitləri, onlardan düzələn fail, məful, məs­dər daxil edilir, feilin tərcüməsi və modellərin transkripsiyaları da əlavə edilir.
Dərs vəsaiti bakalavriat təhsil səviyyəsinin tələbələrinə hesablanmışdır. Vəsaitdən ali məktəb müəllimləri, el­mi işçilər, dissertant və doktorantlar istifadə edə bilərlər.