Bakı Dövlət Universiteti Şərqşünaslıq fakültəsi

19 dekabr 2024-cü il tarixində Şərqşünaslıq fakültəsinin rəhbər heyəti Pakistan İslam Respublikasının Azərbaycandakı səfiri, fövqəladə və səlahiyyətli səfir, cənab Qasim Mohiuddin tərəfindən qəbul olunub. Səfir fakültə heyətini mehribanlıqla qarşılayıb. Görüşdə fakültə dekanı Aydan Xəndan, Orta Şərq dilləri və ədəbiyyatı kafedrasının müdiri Mehdi Kazımov, dekan müavini Şahin Yusifli, urdu dili müəllimi Eldost İbrahimov iştirak ediblər. İki ölkənin tarixi dostluq və müttəfiqlik əlaqələri vurğulandıqdan sonra, Bakı Dövlət Universiteti və fakültənin tarixi, urdu şöbəsinin fəaliyyəti, müəllim bazası, tələbə və məzunlar, tədris olunan fənlər, əməkdaşlıq məsələləri, qarşılıqlı təmasların tarixi, ana dili urdu dili olan müəllimlərin dəvəti, qarşılıqlı elmi səfərlər daxil olmaqla elmi və təhsil məsələləri barədə söhbətlər aparılıb. Görüş qarşılıqlı əlaqələrin və əməkdaşlığın genişləndirilməsi baxımdan səmərəli keçib.