Bakı Dövlət Universiteti Şərqşünaslıq fakültəsi

28 fevral 2025-ci il tarixində Bakı Dövlət Universitenin Şərqşünaslıq fakültəsinin Orta Şərq dilləri və ədəbiyyatı kafedrasının baş müəllimi Ziyafət Məmmədovanın Əl-Faruqinin "Daneşname-ye Qədərxan" lüğətinin yeganə əlyazması haqqında elmi seminarı baş tutub. Z.Məmmədova məlumat verib ki, XIV əsrin Hindistan məktəbinin nadir əlyazmalarından biri olan bu əsərin yeganə nüsxəsi AMEA M.Füzuli adına Əlyazmalar İnstitutunda qorunub saxlanılmaqdadır. 2500-ə yaxın leksik vahidin izahına həsr olunmuş bu lüğət kitabında elmin bütün sahələrinə aid olan sözlərə rast gəlmək olur. Əl-Faruqi hər bir dil vahidinə verilən izahı əyaniləşdirmək və onun mənasını bir daha zənginləşdirmək məqsədilə illüstrativ vasitə şəklində, səksənə yaxın farsdilli şairin 1000-ə yaxın beytlərindən istifadə etmişdir. Mövzu ilə əlaqədar diskussiya aparılmış və suallar cavablandırılmışdır.