Bakı Dövlət Universiteti Şərqşünaslıq fakültəsi

18 dekabr 2024-cü il tarixində Pakistan İslam Respublikasının Ədəbiyyat Akademiyasının prezidenti Nəcibə Arif Şərqşünaslıq fakültəsini ziyarət edərək, fakültə rəhbərliyi, urdu dili və ədəbiyyatı müəllimləri, o cümlədən Regionşünaslıq (Pakistan üzrə) ixtisası üzrə təhsil alan tələbələrlə görüşüb. Qonaq fakültə ilə tanış olub, dekan dos. Aydan Xəndan, Orta Şərq dilləri və ədəbiyyatı kafedrasının müdiri, prof.Mehdi Kazımov, habelə urdu dili müəllimlərinin iştirakı ilə ikitərəfli münasibətlərin yaradılması, gələcək perspektiv layihələr və əməkdaşlıq məsələləri müzakirə edilib. Qonaq Pakistan otağında olub, tələbələrlə tanış olub. Tələbələr şeirlər və urdu dilində mahnılar ifa ediblər. Qonaq Nəcibə Arif tələbələrə öz məsləhətlərini verərək, onların fəaliyyətini alqışlayıb.