Müəllim və tələbə heyətimiz Ümumdünya Şəhərsalma Forumunun 13-cü sessiyasında

23 May 2026 12:44

Bakı Dövlət Universitetinin (BDU) Şərqşünaslıq fakültəsinin müəllim və tələbə heyəti Ümumdünya Şəhərsalma Forumunun 13-cü sessiyasında (WUF13) könüllü kimi iştirak edib.

WUF13-ün Azərbaycanda keçirilməsi gənc fəallar üçün qlobal şəhərsalma və dayanıqlı urbanizasiya siyasətinə töhfə vermək baxımından mühüm platformadır. Qeyd edək ki, WUF13-də ümumilikdə könüllü kimi iştirak edən 2500 nəfər arasında Şərqşünaslıq fakültəsinin tələbələri də vardır və onlar dayanıqlı şəhər mühitinin formalaşdırılması, müasir urbanizasiya prinsipləri və şəhər infrastrukturunun inkişafı ideyalarını təbliğ etmiş, nümayəndə heyətlərinə dəstək göstərmiş və forumun uğurla təşkilinə öz töhfələrini vermişlər.