Bakı Dövlət Universiteti Şərqşünaslıq fakültəsi

13 aprel 2023-cü il tarixində "Güclü lider, güclü Azərbaycan" layihəsi çərçivəsində fakültə Tələbə Gənclər Təşkilatının "Gənclər bizim gələcəyimizdir" adlı tədbiri keçirilib. Tədbir dövlət himninin səsləndirilməsi və şəhidlərin ruhunun yad edilməsi ilə başlayıb. Fakültənin dekanı, dos. Aydan Xəndan açılış nitqi ilə çıxış edərək, tələbələrə Ümummilli lider Heydər Əliyev şəxsiyyəti, onun gənclərə münasibəti, habelə gənclər siyasəti barədə məlumat verib. Tədbir tələbələrin çıxışları ilə davam edib. Ulu öndərin nitqi dinlənilib. Fakültə tələbələrinin ifasında Ulu öndərin bəyəndiyi "Dünya sənin" mahnısı ifa olunub. Çıxışlar bitdikdən sonra, tədbir yekunlaşdırılıb.