Bakı Dövlət Universiteti Şərqşünaslıq fakültəsi

Şərqşünaslıq fakültəsinin Tələbə Gənclər Təşkilatının təşkilatçılığı ilə 1-ci kurs tələbələrinin intellektual səviyyəsinin artırılması və mədəni biliklərinin genişləndirilməsi məqsədilə ”Zamanın dərinliklərində unudulmuş filmlər” adı altında "Film Günü" keçirilib. Film günündə klassik Azərbaycan filmlərindən qısa hissələr nümayiş olunub. Fraqmentlər əsasında filmlərdən suallar ünvanlanıb. Tələbələr komanda şəklində suallara cavab veriblər. Tədbir tələbələr arasında mehriban münasibətlərin yaranması və təşkilatlarda fəaliyyətin artırılması baxımdan faydalı olub.

Tədbirin sonunda qalib gələn komandoya TGT tərəfindən sertifikat təqdim olunub.