Fakültəmizin bir qrup tələbəsi COP29 konfransının keçirildiyi məkanlarda

22 Noyabr 2024 19:34

Şərqşünaslıq fakültəsinin bir qrup tələbəsi COP29 konfransının keçirildiyi məkanlarla tanış olub.

20 noyabr 2024-cü il tarixində Bakı Dövlət Universitetinin Şərqşünaslıq fakültəsinin Tələbə Gənclər Təşkilatının təşkilatçılığı ilə fakültənin bir qrup tələbəsi COP29 tədbirinin keçirildiyi məkanlara baş çəkib.

Tələbələr, BMT-nin iqlim dəyişikliyi ilə mübarizə təşəbbüsləri çərçivəsində təşkil edilmiş və dünya üzrə dövlət başçılarının, mütəxəssislərin və nümayəndələrin bir araya gəldiyi konfransın təşkil edildiyi məkanlarda olub, müxtəlif yerlərlə tanış olublar. Tələbələrə qlobal iqlim problemli ilə əlaqədar məlumatlar verilib. Azərbaycan Respublikasının belə bir mötəbər tədbirə ev sahibliyi etməsi tələbələr üçün diqqətəlayiq bir hadisə olub.