Bakı Dövlət Universiteti Şərqşünaslıq fakültəsi

Şərqşünaslıq Fakültəsinin Ərəb filologiyası kafedrasının əməkdaşları f.ü.f.d, dosent Gülnur Mahmud və f.ü.f.d. Könül Eyvazova Misir Xarici İşlər Nazirliyinin nəzdindəki Misir İnkişaf Tə­rəf­daşlığı Agent­liyinin Qahirə Universitetinin Ərəb Dili İn­ki­şa­­fı və Tədrisi Mər­kə­zi­nin əməkdaşlığı ilə qeyri-ərəb dilli universitet mü­əl­­limləri üçün ərəb dilinin öy­rə­dil­məsi sahəsində təşkil olunan təlim kur­sun­da iştirak etmək üçün 13.01.2024 -29.01.2024 tarixlərində Misir Ərəb Respublikasının Qahirə şəhərində ezamiyyətdədirlər. Kurs Qahirə Universitetinin rektoru doktor Məhəmməd Osman əl-Xuşt, Mi­sir İnkişaf Tərəfdaşlığı Agentliyinin baş katibi cənab sə­fir Mahmud əl-Məğribi, Qa­hirə Universitetinin prorektoru doktor ­Mə­həm­məd Sami Abdus Sadiq, Pedoqoji Fa­kültənin dekanı doktor İman Haridi və Qa­hirə Universitetinin Ərəb Dili İn­ki­şa­­fı və Təd­risi Mər­kəzinin müdiri doktor Mustafa əl-Urabinin rəhbərliyi altında fəaliyyət gös­tərir. Bu təlim kur­sun­da Azərbaycandan olan nü­ma­yən­dələrlə yanaşı dün­ya­nın yeddi öl­kə­sin­­­dən olan nümayəndə heyəti də iştirak edir. 180 saatı əha­tə edən kurs ərzində xüsusi şəkildə qeyri-ərəblərə ərəb di­li­nin tədrisi sahəsində mövcud olan yeni metodikalar və onların tətbiqi ilə bağlı mühazirələrə üstünlük ve­rilir və in­foqrafika ilə bağlı mühazirələr xü­susi maraq doğurur. Habelə müxtəlif öl­kə­lər­dən olan nümayəndə he­yətləri qeyri-ərəblərə ərəb dilinin tədrisi ilə bağlı öz təc­rü­bə və prak­ti­ka­­larını da paylaşırlar. Səfər zamanı Qahirə Universiteti və onun mər­kəzi ki­­tabxanasına da ziyarət təş­kil ediləcək.