Bakı Dövlət Universiteti Şərqşünaslıq fakültəsi

Sentyabrın 20-də Bakı Kitab Mərkəzində “A grammar of contemporary Azerbaijani” (“Müasir Azərbaycan dilinin qrammatikası”) adlı dərs vəsaitinin təqdimatı keçirilib.

Kitabın müəllifləri Azərbaycan Dillər Universitetinin Beynəxalq Əlaqələr üzrə prorektoru Jalə Qəribova və Azərbaycan dilçiliyi kafedrasının baş müəllimi Səbinə Əliyevadır. Kitab Azərbaycan Respublikasının Diasporla İş üzrə Dövlət Komitəsinin dəstəyi ilə nəşr edilib. Təqdimatda Heydər Əliyev Fondunun vitse-prezidenti Leyla Əliyeva, Bakı Media Mərkəzinin rəhbəri Arzu Əliyeva, Azərbaycanın tanınmış elm, mədəniyyət və ictimaiyyət xadimləri iştirak ediblər. Qonaqlar içərisində BDU-nun rektoru Elçin Babayev, Şərqşünaslıq fakültəsinin dekanı Aydan Xəndan, Nizami Gəncəvi adına Milli Azərbaycan Ədəbiyyatı Muzeyinin direktoru, Orta Şərq dilləri və ədəbiyyatı kafedrasının professoru, akademik Rafael Hüseynov və Türk filologiyası kafedrasının professoru Jalə Əliyeva yer alıblar. Akademik Rafael Hüseynov çıxış edərək, Azərbaycan dilinin inkişaf tarixi, nəzərdə tutulan kitabın əhəmiyyəti, müəlliflərin işi barədə fikirlərini ifadə etmişdir. Yüksək səviyyəli vəsait ərsəyə gətirdiklərinə görə müəlliflərə təbrik ünvanlanmış, bu cür dərsliklərin Azərbaycan dili öyrənənlər üçün nə qədər vacib olduğu, Dövlət Suverenliyi Günü ilə eyni gündə işıq üzü görməsinün özlüyündə dərin məna daşıdığını vurğulanmışdır.