Bakı Dövlət Universiteti Şərqşünaslıq fakültəsi

Bakı Dövlət Universiteti Şərqşünaslıq fakültəsinin Orta Şərq dilləri və ədəbiyyatı kafedrasının dosenti, filologiya elmləri üzrə fəlsəfə doktoru Əsmətxanım Məmmədova Portuqaliyanın Lissabon şəhərində keçirlən “XXI Beynəlxalq Avropa Disiplinlərarası Elmi Araşdırmalar Konfransı”nda “Məhəmməd Füzulinin farsca divanında qrafikaya görə formalaşan omofonlar” və Kosovoda keçirilən I Beynəlxalq Prizren Elmi Araşdırmalar və İnnovasiyalar Konfransında “Nizami “Xəmsə”sində səbəb budaq cümləli tabeli mürəkkəb cümlələr” adlı məruzələrlə çıxış etmişdir. Dərin elmi təhlilli məruzələr konfrans iştirakçıları tərəfindən böyük maraqla qarşılanmış, alim sertifikatlarla təltif olunmuşdur.