Əbədi müstəqilliyimizdən, tarixi zəfərə

27 May 2024 22:40

Bakı Dövlət Universiteti Tələbə Həmkarlar İttifaqı Komitəsinin təşkilatçılığı ilə 28 May - Müstəqillik Gününə həsr olunmuş “Əbədi müstəqilliyimizdən, tarixi zəfərə” adlı tədbir keçirilib.

Tədbirin əvvəlində Dövlət Himni səsləndirilib. Daha sonra şəhidlərimizin xatirəsi 1 dəqiqəlik sükutla yad edilib.

Tədbirin açılış nitqi üçün söz Azərbaycan Tarixi kafedrasının müdiri Azad Rzayeva verilib. O Azərbaycan Xalq Cümhuriyyətinin yaradılmasında baş verən çətinliklər, ziyalıların bu yolda atdığı mühüm addımlar, quruculuq işləri və iyirmi üç aylıq dolğun fəaliyyət dövründən danışıb.

Daha sonra Şərqşünaslıq fakültəsinin dekan müavini Şahin Yusifli AXC- nin yaradılmasında mühüm olan amillərdən, onun xarici siyasəti və qonşu dövlətlər tərəfindən tanınması yolunda atılan addımlardan danışıb.

Tədbirin bədii hissəsində Şərqşünaslıq fakültəsinin I kurs tələbələrinin Azərbaycan dilində işgüzar və akademik kommunikasiya fənni üzrə müəllim Aytəkin Mirzəyevanın rəhbərliyi ilə hazırlanmış videoçarx təqdim edilib.

Şərqşünaslıq fakültəsinin tələbələri Rəhimzadə Səyyarə və Hüseynzadə Altay tərəfindən tarın müşayiəti ilə poetik nümunə səsləndirildi.

Sonda Müstəqillik Gününə həsr olunmuş növbəti videoçarx təqdim edildikdən sonra tədbir başa çatıb.