“Azərbaycanda tərcümə sənətinin yaranması və inkişaf mərhələləri”
Bakı Dövlət Universitetinin Şərqşünaslıq fakültəsinin Ərəb filologiyası kafedrasında elmi seminar keçirilmişdir. Kafedranın dosenti Səbinə Mirzəyeva "Azərbaycanda tərcümə sənətinin təşəkkülü və inkişaf mərhələləri" adlı mövzu ilə çıxış etmişdir.
Məruzəçi çıxışında qeyd etmişdir ki, Azərbaycanda tərcümə sənətinin tarixi kökləri ərəb və fars tərcümə ənənələrinə bağlıdır və tərcümə sənətinin təşəkkülü tarixindən bəhs edərkən məlum olur ki, bu b.e.ə 7-ci əsrdən etibarən Yaxın və Orta Şərqin islamı qəbul etmiş ölkələrində dini mənbələrin, dini mənbələrin yunan və latın dillərində ərəb,fars, eləcə də yahudi dillərinə tərcümə edilməsi ilə başlanmışdır. Məruzəçi mədəniyyət tariximizdə klassiklərimizin yaratdığı orjinal əsərlərlə yanaşı tərcümə abidələrinin də mühüm yer tutduğunu vurğulamışdır. S.Mirzəyeva müasir dövrdə Azərbaycanda tərcümənin inkişafı haqqında da məlumat vermişdir.
Elmi seminar kafedra əməkdaşlarının və tələbələrin diskussiyaları ilə davam etmişdir.
