Bakı Dövlət Universiteti Şərqşünaslıq fakültəsi

22 sentyabr tarixində qlobal miqyasda 70 milyard dollar dəyərində qiymətləndirilən tərcümə sənayesinin əsas iştirakçılarını bir araya gətirən beynəlxalq Bakı Tərcümə Forumu keçirilib. Azərbaycan Gənc Tərcüməçilər Assosiasiyasının (AGTA) təşəbbüsü ilə keçirilən forumda şərqşünaslıq fakültəsinin tərcüməçi-müəllimləri Şahin Yusifli, Rəşad Babayev və Eldost İbrahimov iştirak ediblər.

Forumun əsas məruzəçisi – “Nimdzi Insights” şirkətinin sədri Renato Beninatto süni intellektin tərcümə sahəsinə təsirindən danışıb. “AGTA 2.0” layihəsi çərçivəsində keçirilən bu forum dil xidmətlərindən istifadə edənləri, tərcümə şirkətlərinin sahibkarlarını, layihə rəhbərlərini, peşəkar tərcüməçiləri və akademikləri bir araya gətirməyi hədəfləyib. Layihə müvafiq sahədə əməkdaşlıq və yenilikləri təşviq edərək tərcümə sektorunun inkişafını təmin etməyə çalışıb.