“Şərqşünaslıq” elmi araşdırmalar jurnalının 2025-ci ildəki birinci sayı çapa hazırlanır
3 Mart 2025 18:07
Hörmətli həmkarlar!
Bakı Dövlət Universitetinin “Şərqşünaslıq” elmi araşdırmalar jurnalının 2025-ci ildəki birinci sayı çapa hazırlanır.
Jurnal, şərqşünaslığın müxtəlif məsələləri ilə əlaqədar yenilikçi, ciddi problemlər qaldıran, açıq suallara cavablar verən, az öyrənilmiş şəxsiyyət və mənbələrlə bağlı həqiqətləri üzə çıxaran, elmimizə töhfə sayıla biləcək tədqiqatlara yer verəcəkdir.
Eyni zamanda jurnalımızda dünya şərqşünaslığının görkəmli araşdırıcılarının elmi irsindən də Şəqr və Qərb dillərindən tərcümədə və müvafiq təqdimatlarla silsilə yazılar dərc ediləcəkdir.
Jurnal yerli və əcnəbi müəlliflərin bütün sanballı, elmdə yeni söz ola biləcək yazılarına müvafiq ekspertizalardan sonra səhifələrində yer ayıracaqdır.
Jurnalın 2025-ci ilki birinci sayına məqalələrin təqdim müddəti mart ayının sonunadəkdir.
Məqalələrin texniki göstəriciləri və yürüdülən tələblər bu müraciətə edilən əlavədə əksini tapmışdır.
Hamınızı “Şərqşünaslıq” elmi araşdırmalar jurnalının səhifələrində səmərəli əməkdaşlığa və layiqli özünüifadəyə dəvət edirik.
Şərqşünaslıq” jurnalının redaktoru:
Akademik Rafael Hüseynov
03 mart 2025
Bakı Dövlət Universiteti
“Şərqşünaslıq” jurnalı
Nəşrə dair tələblər:
1.“Şərqşünaslıq” jurnalına çap üçün materiallar (məqalə, resenziya, icmal, tərcümə və s.) Azərbaycan, rus, ingilis və şərq dillərində çap şəklində, elektron daşıyıcıda və e-mail vasitəsilə (shargshunaslig@mail.ru ) qəbul edilir.
2.Dərc olunacaq məqalələrə görə müvafiq elmi sahə üzrə elmlər doktorunun rəyi tələb olunur.
3.Məqalələr əvvəllər heç yerdə çap olunmamış (o cümlədən başqa dillərdə) və digər nəşrlərə təqdim edilməmiş yeni tədqiqatlar olmalıdır.
4.Bir müəllif eyni nömrəyə yalnız bir məqalə təqdim edə bilər.
5.Məqalələrdə beynəlxalq standartlara cavab verən elmi araşdırmaların yazılma üsullarına uyğun giriş, nəticə və ən azı iki başlıq olmalıdır.
6.Məqalələrin həcmi 15, resenziya və digər yazıların həcmi isə 7 vərəqdən (A4) artıq olmamalıdır (şrift: Times New Roman – 14, interval: 1,5, sol kənar 3 sm, sağ kənar 1 sm, yuxarı və aşağı hissə 2 sm).
7. Məqalənin adı altında müəllifin adı, soyadı, işlədiyi müəssisə, vəzifəsi və email ünvanı göstərilməlidir.
8.Məqalənin sonunda 3 dildə 150-200 sözdən ibarət xülasə (məqalənin adını yazmaq şərtilə) və açar sözlər (3-5 ədəd) verilməlidir və hər dildə yazılmış xülasələr məzmunca eyni olmalıdır.
9.Məqalələrin qəbulu üçün son 5-10 ilin elmi əsərlərinə istinadlar vacibdir.
10.Ədəbiyyat siyahısı əlifba sırası ilə verilməlidir. Nümunə: Hacıyev A. (2010). Dünya ədəbiyyatının səhifələri. Bakı: Elm.
11.Mətnin içində istinadlar müəllifin soyadı, əsərin nəşr ili, səhifəsi ardıcıllığı ilə verilməlidir. Nümunə: (Hacıyev, 2010: 98).
12.Hər bir məqalə redaksiya heyətinin rəyinə əsasən çap olunur.
13.Plagiatlıq faktı aşkar edilən məqalələr dərc olunmur.
14. Məqalələrin nəşri pulsuzdur.
15.Əlyazmalar geri qaytarılmır.
16.Materialların məzmunu müəllifin şəxsi mövqeyini əks etdirir.
Məqalənin strukturu:
UOT indeks
Müəllifin adı, soyadı, elmi dərəcəsi, elmi adı (varsa), ORCİD İD (varsa), e-mail ünvanı – yuxarıda, sağ küncdə
Məqalənin adı – ortada, qara şriftlə, BÖYÜK HƏRFLƏRLƏ
Açar sözlər – üç dildə, sol tərəfdən başlamaqla
Məqalənin mətni (Giriş, bölmələr, nəticə)
İstifadə olunmuş ədəbiyyatın siyahısı - əlifba sırası ilə
Xülasə - 3 dildə, müəllifin adı, soyadı və məqalənin adı göstərilməklə
Son XƏBƏRLƏR
12.03.2025 | 16:33
14 mart 2025-ci il saat 12.00-da "İrəvan ədəbi mühiti" mövzusunda məruzə baş tutacaqdır
10.03.2025 | 14:55