Bakı Dövlət Universiteti Şərqşünaslıq fakültəsi

Elmi işlər üzrə dekan müavini filologiya üzrə fəlsəfə doktoru, dosent Nigar Qüdrət qızı İsmayılzadədır. Nigar Qüdrət qızı İsmayılzadə 1973 –cü ildə Bakı şəhərində ziyalı ailəsində anadan olmuşdur. 1980-ci ildə Bakı şəhərində 62 saylı orta məktəbə getmiş, 1990-cı ildə orta məktəbi bitirmişdir. 1990-cı ildə Bakı Dövlət Universitetinin Şərqşünaslıq fakültəsinin Türk filologiyası şöbəsinə daxil olmuş, 1995-ci ildə həmin fakültəni fərqlənmə diplomu ilə bitirmişdir. 1995-ci ildə Bakı Dövlət Universitetinin İlahiyyat fakültəsinin Dillər kafedrasında saathesabı qaydada türk dili fənnini tədris etməyə başlamışdır. 1999-cu ildə həmin fakültəyə ştat üzrə müəllim vəzifəsinə keçmişdir. 2007-ci ildə “ Müasir Azərbaycan və türk poeziyasında sərbəst şeir ” (R.Rza və N.Hikmət yaradıcılığı əsasında) mövzusunda namizədlik dissertasiyasını müdafiə etmişdir.2012-ci ildə dosent elmi adı almışdır. 2014 - cü ildən 2018-ci ilədək BDU İlahiyyat fakultəsində Bakalavr və Magistratura üzrə dekan müavini vəzifəsində işləmişdir. 2014-cü ildə “Türk xalqları ədəbiyyatı” ixtisası üzrə doktoranturaya qəbul olunmuşdur. 2018-ci ildən Şərqşünaslıq fakültəsinin Türk filologiyası kafedrasında türk dilini tədris etməyə başlamışdır.  2020-ci ildə  Şərqşünaslıq fakültəsində elmi işlər üzrə dekan müavini vəzifəsinə təyin olunmuşdur. 40-dan çox elmi məqalə, 22 konfrans materialı, 1 monoqrafiya, 1 dərs vəsaitinin, 1 metodik vəsaitin müəllifidir. “XIV-XVI əsr türk ədəbiyyatında ilahi eşq” mövzusunda doktorluq mövzusu üzərində çalışır.